1.- Gutun-azalak irekiko ditugu...

Talde bakoitzak, egokitu zaion gutun-azala irekiko du eta jarraibide hauek aurkituko ditu:

“Kaixo, ikasleak. Gutun-azal honetan erronka bat proposatzen dizuet, metodo zientifikoaren erabilera-simulazio bat egiteko. Taldean lan egin beharko duzue ikerketa bat diseinatzeko honako hauei buruz:”

• 1. taldea: Goizean eta gauean berdin neurtzen dugu?
• 2. taldea: Urari aspirina bat bota ezkero, lorek gehiago irauten dute ihartu gabe?
• 3. taldea: Zer da erresistenteagoa, paperezko musuzapi bat ala paper-zapi heze bat?
• 4. taldea: Non kontsumitzen dugu ur gehiago, ¿bainatzean ala dutxatzean?
• 5. taldea: Nola desizozten da azkarrago elikagai bat, aluminio-paperean bilduta ala plastikoan bilduta?

Ordu bete duzue, eta hona jarraitu behar duzuen eskema:

• Hipotesia.
• Aldagai independentea eta mendeko aldagaia.
• Froga-esperimentua.
• Datu-bilketarako tresnak.
• Zer egingo dugu hipotesia ez badugu frogatzen?
• Emaitzak jakinarazteko modua.

2.- Azaldu egingo dugu

Denbora agortutakoan, talde bakoitzak gelan azalduko du bere lana, denbora denon artean banatuta. Jendaurrean azalpenak emateko, kontuan har ditzakegu ahozko azalpenak egiteko orientazioak:

• Solaskideari zuzendu, agurtu, aurkeztu zure burua eta azaldu zer gairi buruz hitz egingo duzun.
• Esposizioaren zatiak edo ideia nagusiak azaldu.
• Astiro hitz egin eta ondo ahoskatu.
• Ez erabili “makulu-hitzak” (zera, bale? ee, ba...).
• Begiratu solaskideari.
• Laguntza gisa soilik, erabili baliabide grafikoren bat (power pointa, infografia, eskema, gidoia...), hartzailearentzat erakargarria eta diskurtsoa hobeto ulertzen lagunduko duena.
• Baliatu keinuez, erabili eskuak modu espresiboan, baina moderazioz.
• Saia zaitez lekuan egoten edo mugitu esposizioak eskatzen duenean, baina ez mugitu etengabe eta zentzurik gabe.
• Egin iruzkinak eta jarri adibideak gaia hobeto uler dadin eta hartzailearen arreta zeureganatzeko.
• Tarteka, egin galderak solaskideei, azalpenak ondo jarraitzen dituztela ziurtatzeko.
• Esposizioa amaitutakoan egin laburpena bat.
• Amaitzeko, agurtu eta arreta eskertu.

3.- Eztabaidatu egingo dugu

Talde baten hitzaldia entzunda, besteok une batez bildu eta galderak edo sortutako zalantzak prestatuko ditugu. Amaitutakoan, eztabaidatu egingo dugu gelan. Eztabaidarako gomendio batzuk:

• Argumentuak modu logikoan antolatuko dira ideia nagusiaren inguruan.
• Kontra-argumentuak garrantzitsuak eta zehatzak behar dute, eta argi eta garbi adierazi behar dute zer ideiaren aurka dauden.
• Argumentuak eta kontra-argumentuak egitateetan oinarritzen dira.
• Informazio argia eta zehatza eman behar da.
• Partehartzeak ordenatuak izango dira, hitz egiteko txandak errespetatuta.
• Keinuak, ahots tonua eta kontaktu bisuala egokiak izan behar dute.
• Bestearen argumentuak modu aktiboan entzun eta horren arabera erantzun behar da.