- Iraupena:
- Saio bat
- Taldekatzea:
- Taldeka
Sei taldetan banatuko gara laborategira joateko. Talde bakoitzak disoluzio bakoitzaren litro erdiko pitxer bat egingo du, kontzentrazio desberdinetan.
1) Gure kakaoak
Lehenik eta behin, solutu-kantitate desberdineko disoluzioak egingo ditugu 150 mL disolbatzailetan (katilu baten bezainbeste), eta, kontzentrazioa zehaztu ondoren, litro erdi egingo dugu.
- 1. taldea: 2 koilarakada.
- 2. taldea: 2,5 koilarakada.
- 3. taldea: 3 koilarakada.
- 4. taldea: 3,5 koilarakada.
- 5. taldea: 4 koilarakada.
- 6. taldea: 4,5 koilarakada.
Materiala:
- Kakao disolbagarria.
- Esnea.
- Koilarak.
- Balantza.
- Irabiagailua.
- Erloju-beirak.
- Prezipitatu-ontzia, 250 mL-koa.
- Litro bateko matrazea.
- Plastikozko ontzi txiki batzuk.
Prozedura:
- Erloju-beira balantzan pisatu eta apuntatu.
- Solutu-koilarakadak (kakaoa) plakan jarri, eta berriro pisatu. Kakaoaren masa kalkulatu.
- Balantzaren gainean 250 mL-ko prezipitatu-ontzia jarri, eta pisatu.
- 150 mL esne gehitu ontzira, eta berriro pisatu. Esnearen masa kalkulatu.
- Kakaoa gehituko diogu esneari, eta ondo nahastuko dugu erabat desegin arte. Apuntatu ematen duen bolumena.
- Disoluzioaren kontzentrazioa g/L-tan eta masa-ehunekotan adierazi.
Ondorioak:
- Bi gauza begiratu: ea esne eta kakao arteko nahasketak eta esne hutsak bolumen bera duten; eta ea esne eta kakao arteko nahasketaren masa eta esnearen eta kakaoaren masen arteko batuketa bat ote datozen. Zer ondorio ateratzen ditugu?
2) Gure kakao "kimikoak"
- Kalkula dezagun ea, aurreko kontzentrazio hori erabiliz, zer kantitate behar diren 1/2 L disoluzio prestatzeko. Kontuz!, kontzentrazio kimikoa erabiliz!
- Presta dezagun disoluzioa, matrazean, litro erdira arte: lehendabizi, beharrezko solutua bota; gero, esne-kantitate txiki bat; nahasketari eragin; eta gainerako esnea gehitu, disoluzio-bolumenera iritsi arte.
Ondorioak:
- Zer alde dago kakaoa begiz egin eta "kimikoki" egitearen artean?
- Kontu egin festa bat antolatu nahi dugula. Hiru litroko pitxer bat kako prestatu behar badugu, zenbat kako beharko dugu? Eta esnea?
- Kontu egin kakaoa prestatzeko esan digutela, baina masa-kontzentrazioa % 30ekoa eduki behar duela: zenbat kakao eta zenbat esne behar dugu?
3) Aukera dezagun kakaorik onena
- Litro erdiko disoluzioa edalontzi txiki batzuetan banatu.
- Beste bi talderi eman, proba dezaten, balorazio-orri batekin batera (emotikonoak). Haien iritzia apuntatu. Ontzi hutsak birziklatu.
- Labur-labur, talde bakoitzak bere kalkuluak eta ondorioak ikasgelan azalduko ditu.
- Guztien artean, Cola Cao onena aukeratu.
VTaldeak egindako balorazioa |
|
|
|
1. taldea:..................g/L |
|
|
|
2. taldea:..................g/L |
|
|
|
3. taldea:..................g/L |
|
|
|
4. taldea:..................g/L |
|
|
|
5. taldea:..................g/L |
|
|
|
6. taldea:..................g/L |
|
|
|
Irudiak: Emotikoiak, Alexandra Koch